di: Aurelio Barzaghi

Se smorza i lus
i lus del varietà
l'artista el và... l'artista el và
el guarda in su
el parla con la luna
se gh'hann de dis
ai quatter de mattina?

Se smorza i lus
i lus del varietà
l'artista el và... l'artista el và
sòtta on lampion
ghe par de vèss in scèna
el fa on ballètt
per duu mèzz in gaina.

Con ona gamba sola el gira su ona balla
el slarga i brasc el par ch'el vola
poeu el fa ona pirolètta su ona biciclètta
de quèi con ona roeuda sola.
Con l'aria delicada el fa ona serenada
a on can de razza indefinida con on orèggia bassa
e l'altra in pee. 

Se smorza i lus
i lus del varietà
l'artista el và... l'artista el và
el guarda in su
el parla con la luna
e de scondon insèma al Gesù Crist.