di: Censi; Beretta

L’amor l’è senza età
el coeur l’è minga on fior
che ‘l nass e se colora e dòpo el moeur;
l’amor l’è on sentiment
che ‘l crèss de sora a tì
l’è faa de pòcch, de nient:
de mì e de tì.
Sta minga lì a pensà
se gh’hinn dò rugh pussee
svanisserann se la te guarda lee.

L’amor l’è senza età
e dai vint ann in su
hinn giovin quèi che ama come numm.

L’amor l’è senza età
e ona carèzza el gh’ha
ch’el giuga in di sò brasc visin a tì
te se ne accòrgett nò
che l’è visin a tì
la sbianca pian pianòtt de sora tì.

Ma guarda in di mè oeugg
a gh’hoo i cavei on poo gris,
ma el coeur l’è semper quèll
l’è pròppi inscì.

L’amor l’è senza età
e quèll che rèsta anmò
me basta podèll viv con tì.

musica

Ma guarda in di mè oeugg
a gh’hoo i cavei on poo gris,
ma el coeur l’è semper quèll
l’è pròppi inscì.

L’amor l’è senza età
e quèll che rèsta anmò
me basta podèll viv con tì.