di: Ridolfini Roberto; Marzagalia Leonardo; Trimboli O.

Seri adree a fà on gir ona mattina
pien de dispiasè, pien de dolor
quand pròppi ‘na bèlla signorina
la me dis “Dov’è piazza Cavour?”.
La pareva pròppi ‘na gattina
l’era disperada come mì.

Mì gh’hoo cuntaa sù de la mia vita
l’ho invitada denter a on cafè.
Gh’hoo ciappaa la man, l’è impallidida,
ma poeu tutt el dì son staa con lee.
A cà mia la sera l’ho portada
quand me son svegliaa l’era pù lì.

L’amor con tì
l’hoo faa ona vòlta sola.
Ghe pensi anmò
senti el me coeur che ’l vola.
I tò cavei biond, long, sottil e profumaa
e la toa bocca cont i laver pitturaa.
L’amor con tì
l’era l’amor quèll vera
mì vivi pù
se pensi a quèlla sera.

Da quèll di mi l’hoo mai pù incontrada,
ma nel coeur per semper ghe l’avroo.
Fòrse adèss la se sarà sposada
l’era pròppi bèlla come el sô.
E se sari i oeugg mì la rivedi
cont i sò cavei color de l’òr.

L’amor con tì
l’hoo faa ona vòlta sola.
Ghe pensi anmò
senti el me coeur che ’l vola.
I tò cavei biond, long, sottil e profumaa
e la toa bocca cont i laver pitturaa.
L’amor con tì
l’era l’amor quèll vera
mì vivi pù
se pensi a quèlla sera.