di: Minotti Roberto

Hoo giraa on poo tutt Italia
sont andaa fin in Sicilia,
ma ve giuri: ghe n’è nò come Milan
lor gh’avarann el sô
la nèbbia sann nò ‘se l’è
però numm a gh’èmm on gran bellee,
gh'hann voeuja de criticà,
ma ognun la soa città
ghe pias condilla in ‘na quai manera
sarèmm on poo bauscia
va ben, quèll sèmm daccòrd,
ma gh’èmm on poo de coeur in tutt i pòrt;
sarèmm on poo bauscia
va ben, quèll sèmm daccòrd,
ma gh’èmm on poo de coeur in tutt i pòrt.

Ròma la sarà bèlla con tanti monument
Milan l’è tanto bèlla per tutta la soa gent
ormai de meneghin che parla el milanes
ghe n’è restaa on poo pòchi
hinn tucc di alter paes.
La nòstra Madonina che guarda da lassù
se la podèss capilla scorlisaria el coo
fa nient guardèmm avanti,
ma tira minga a man
perchè Milan l’è on gran Milan:
fa nient guardèmm avanti,
ma tira minga a man
perchè Milan l’è on gran Milan.

Se sent passà on tramvai
con la soa campanèlla
la pròssima fermada “Pòrta Romana” bèlla
su e giò per i Navili, cors de Pòrta Cines
avanti, semper drizz, Colònn de San Lorenz.
Rivaa in piazza del Dòmm se sent a ziffolà
la mitica canzon de la nòstra città
numm milanes la cantom in lingua meneghina
la nòstra “Oh mia bèlla Madonina”.
Hoo giraa on poo tutt Italia
però gh’è nient de fà
Milan a l’è la mia città.