di: Pintotti V.; Carcano L.

Sul pont de la Ghisolfa, intant che andavi,
pensavi a la Bovisa e in del profond
l'amor e 'na capanna che sognavi
in del mè coeur romantigh vagabond.

Sognavi on cantonscèll doe a la sera
la luna se speggiava in d'on laghètt,
per mètt in giust risalt e in bon manera
l'amor cont i paròll di canzonètt.

Bovisa e Bovisasca!
Oh tèrra de gasòmetri e carbon,
de fumm di caminon de fonderia,
d'amor senza l'impast de poesia.

Bovisa e Bovisasca!
Boché de clorofòrmi e de catramm
de fior de verderamm in candeggina,
per tì,
romantigh l'è l'odor de naftalina.

Cognussi ona popòla innamorada,
e mì, de la Bovisa on pòver fioeu,
ghe cantaroo mai pù la serenada
quand passi lì de sòtt del sò poggioeu.

E senza cinquantala e de sorpresa,
ghe disi dò paròll senza pensà,
e lee la disarà de vèss offesa...
ma dòpo in di mè brasc, la borla là!

Bovisa e Bovisasca!
Oh tèrra de gasòmetri e carbon,
de fumm di caminon de fonderia,
d'amor senza l'impast de poesia.
Bovisa e Bovisasca!
Boché de cloroformi e de catramm
de fior de verderamm in candeggina,
per tì,
romantigh l'è l'odor de naftalina.

musica

Bovisa e Bovisasca!
Boché de clorofòrmi e de catramm
de fior de verderamm in candeggina,
per tì,
romantigh l'è l'odor de naftalina.

Bovisa e Bovisasca
per tì l'amor l'è inscì.