Stampa

di: Roberto Ridolfini; Leonardo Marzagalia

 

 

 

Mì son minga nassuu chi però
mì te voeuri ben Lambrate mia
quand t'hoo conossuu mì seri on fioeu
me ricòrdi anmò de quèlla via.

Gh'era la Gesa de San Martin
poeu l'oratòri, el Circolin
guardi i tò strad e rivedi
la mia gioventù.

Quanti vòlt hoo cors per i tò strad
quanti bèi tosann hinn passaa via
quanti amis ch'hinn andaa a fà 'l soldaa
t'hann tegnuu nel coeur Lambrate mia.

Mì son minga nassuu chì però
me se streng el coeur dovè andà via
gh'hann bisògn de mì via de Milan,
ma mì scorderoo mai quella via.

Hoo conossuu vun che l'è andaa
in Inghiltèrra a lavorà
lù l'è andaa via, ma el sò coeur
l'ha lassha chì a Lambraa.

Ma se appèna pòdi torni chì
mì te voeuri ben Lambrate mia
quand t'hoo conossuu mì seri on fioeu,
ma la mia gioventù l'è andada via.

Gh'è anmò la Gesa de San Martin
gh'è l'oratori, gh'è 'l Circolin
nient l'è cambiaa chi a Lambraa
son cambiaa domà mì.