di: G.Margorani - F.Patterlini

Avègh on amor sincer l’è bèll, se sa,
se spera semper de podègh passagh
la vita bèlla quiètta e riposada,
ma inveci stà con lee ripòsi nò.
Nass on problema semper ògni dì
e allora la domanda che se fa
chissà se me voeur ben:
l’è quèll che speri
magari on dì el mè torment el finirà.

Capissi che con tì difficoltà
semper ghe n’è me meravigli nò
e me domandi se ona tal vita
val la pèna de vivela: soo nò
lacrim e bosii hinn la toa realtà
l’è sofferenza, ma mì te perdòni
se per mì l’è dura: l’è domà el tò ben
che me da fòrza e me da volontà.

Fòrsi lassass saria ròba san
se podaria stà ben senza soffrì
però numm sèmm legaa senza rimedi
el nòst’ a l’è on amor che durarà.
Tanto magon e ona quai lacrimètta
me tègnen ligaa a tì bosarda via
perché gh’è di moment de desideri
anca se poeu l’è on attim che ‘l va via ‘me ‘l vent.

Capissi che con tì difficoltà
semper ghe n’è me meravigli nò
e me domandi se ona tal vita
val la pèna de vivela: soo nò
lacrim e bosii hinn la toa realtà
l’è sofferenza, ma mì te perdòni
se per mì l’è dura: l’è domà el tò ben
che me da fòrza e me da volontà.

musica

lacrim e bosii hinn la toa realtà
ma pòdi minga restà lontan de tì.