Stampa

di: Carcano Luigi: Merli Claudio

 

 

 

l scur de nòtt cont i sò stèll,
col fil d'on ragg d'argent,
da l'alt del ciel el stend on vell
sui strad di vègg ricòrd.

Sospir, passion,
profumm d'on fior,
ricòrd d'on bèll moment
ch'el torna pù.

La strada di ricòrd
la ved passà l'amor
con tutti i sò segrett
e tanta nostalgia.

I coeur innamoraa
che on dì hann dii de sì,
se fermen per spettà
el ciar de la mattina.

E lor semper content
se ciappen per la man.
Ormai el fen l’hann miss
d’on pèzz su la cassina.

L'amor col sò savor d'on dì,
tranquill in santa pas,
con l'autunn l'è 'ndaa dormì
desora di frasch mòrt.

Ricòrd, speranz,
indifferent,
ròtolen per i strad
al boff del vent.