di: Stramilano

Gh’è on grande calderon per giovin d’ògni età
el ritrovo della sera, lì se mangia a volontà.
Pòca lus e confusion el baccan d’ona canzon
che te spacca anca i orègg, ma per lor va ben istèss.
La goduria pussee gròssa a l’è nò quèlla de cuccà,
ma panini e tanta birra fin al punto de s’cioppà.

La sera in del pab che grande invenzion
gh’è minga la cazzoeula né risòtt ò minestron
la sera in del pab che godiment
panini giò a manètta, tanta birra e cuccà on bèll nient.

A Milan des luminari hann studiaa la situazion
hann desis se ciama pab
el pub l’è a ritta di cojon.
I russi hann faa on convegno
el pabòski l’hann ciamaa
e a ona ciocca collettiva tucc content s’hinn lassaa andà.
La Quinn l’è dispiasuda el ministro l’è incazzaa
el pab l’è ròba nòstra, sèmm summ che l’ha inventaa.

La sera in del pab che grande invenzion
gh’è minga la cazzoeula né risòtt ò minestron
la sera in del pab che godiment
panini giò a manètta, tanta birra e cuccà on bèll nient.

Se te pias minga la birra lì te troeuvet i sorpres
el menú l’è scritt appòsta per chi parla ben l’ingles.
Se domanda chì e là per podè bev e mangià
e te riva lì de tutt meno quèll che t’hee ordinaa.
L’è ona mòda ona manera de passà ona sera intera
in sto grande calderon spacca orègg e confusion.

La sera in del pab che grande invenzion
gh’è minga la cazzoeula né risòtt ò minestron
la sera in del pab che godiment
panini giò a manètta, tanta birra e cuccà on bèll nient.
La sera in del pab che godiment
panini giò a manètta, tanta birra e cuccà on bèll nient
la sera in del pab.