Stampa

di: Aurelio Barzaghi


 

 

 

Mama mia me son content
mama mia me son content
me vegnuu fin la pèll d'òca
me vegnuu fin la pèll d'òca
oehi ! M'hann dii
adèss che sèmm in Europa
anca i fioeu che gh'hann cinch ann
gh'hann de corr
sì gh'hann de corr per ciappà el tramm.

Mama  mia me son content
mama mia me son content
me vegnuu fin la pèll d'òca
me vegnuu fin la pèll d'òca
oehi ! M'hann dii
adèss che sèmm in Europa
me darann i crepes suzettes
e i fiammifer che se ciamen allumettes.

Sciora, adèss me tocca ditt ...madame
cara, adèss me tocca ditt ... je t'aime,
ma sarà che son malaa del me paes
e preferissi ditt inscì ...te voeuri ben ben de morì,
ma sarà che son malaa del me paes
e preferissi ditt inscì ...te voeuri ben ben de morì.

Sciora, comment ca va, comment s'appelle
cara ghe pensarà Papà N-Oel
mama mia me son content
voo in pension a settant'ann
e dal ciel quand pioeuv, ven giò champagne.

musica

mama mia me son content
voo in pension a settant'ann
e dal ciel quand pioeuv, ven giò champagne
mama mia me son content
voo in pension a settant'ann
e dal ciel quand pioeuv, ven giò champagne.