Stampa

di: Michele Longo


 

 

 

De nòmm Marianna la “Sciòra de Monza“
nassuda chì in del center de Milan
da nòbil sangh spagnoeu e milanes
che tucc in Lombardia… ricordarann.

Invidia de famiglia ed interèss
a trèdes ann inscì t’hann obbligaa
‘ndà denter “pòvera tosa” in d’on Convent
per fai content i vòti t’hee ciappaa.

Traversaa de per tì el brutt del mond
con l’anima strasciada de reson
a tò manera … te vorevet faa del ben
peccaa e pentiss hinn dò grand’ emozion.

Poeu l’è rivaa l’amor e la passion
borlada giò a l’infèrno ..a delirà
“Feudataria“..coi privileg del rango
con l’Osio ..t’hee finii de sprofondà.

In preson duu sghèrri ...t’hann menada
poeu la sentenza scritta... in Tribunal
in d’ona cèlla - per semper - vèss murada
poeu liberada dal Federigo …Cardinal.

El gran Manzoni la stòria l’ha adattada
l’ha cambiaa i nòmm e i ann… del malaffari
“Suor Virginia“… al mond l’è consegnada
ona brutta stòria umana …senza pari!