di: Roberto Ridolfini; Leonardo Marzagalia

Te see mai staa a Milan
Quand la nèbbia la va sòtta i sottan
Quand la nèbbia la va sù per i calzon
Quand la nèbbia la va  giò per i polmon.

Te see mai staa a Milan
Quand gh’è la nèbbia e sònen i campan
Tì te sentet i clacsòn e i motor,
ma dei macchin tì te vedet domà i ciar.

La nèbbia de Milan
Tì te ‘l see nò, ma l’è important per numm
‘na nèbbia inscì al mond ghe l’ha nissun
gh’è tanta gent, ma tì
te n’ vedet nanca vun.

La nèbbia de Milan
In cinch minut la quatta giò i Bastion
Te par che el Dòmm el sia staa faa de fumm
Te vedet pù nanca a volà i pivion.

Te see mai staa a Milan
Quand la nèbbia la va sòtta i sottan
Quand la nèbbia la va sù per i calzon
Quand la nèbbia la va  giò per i polmon

La nèbbia de Milan
In cinch minut la quatta giò i Bastion
Te par che el Dòmm el sia staa faa de fumm
Te vedet pù nanca a volà i pivion.