Stampa

di: Popolare


 

 

 

‘riva la banda, ‘riva la banda,
‘riva la banda del nòs’ paes, del nòs’ paes, del nòs’ paes
Oh Caterina mèttett sù el tò vestii de spos
Oh Caterina mèttett sù el tò vestii de spos.

Gh’è ‘l capòbanda, gh’è ‘l capòbanda,
gh’è ‘l capòbanda che ‘l gh’ha i barbis,
che bèi barbis, che bèi barbis
oh Caterina el capòbanda l’è ‘l tò Luis
oh Caterina el capòbanda l’è ‘l tò Luis.

Guardee tosann che bèi bagai
guardee tosann che bèi sonaj
e coi tamburi in scima ai spall
guarda el Luis el par on gall.

L’è lù, l’è lù, sì, sì, l’è pròppi lù
L’è ‘ tamburo principal de la banda d’Affori
che ‘l comanda cinquecentocinquanta pifferi
ohei tosann, battee i man che ‘l tambur l’è scià
che risòtt, gh’è anca i òcch che ghe fann qua-qua.
A vedèll gh’è i tosanètt che diventen timide
Lù el confond el Rigolètt con la Semiramide
Bella figlia dell’amor
schiavo son, schiavo son dei vezzi tuoi.

Passa la banda, passa la banda,
passa la banda la va a Cantù,
la va a Cantù, la va a Cantù
oh Caterina el tò Luis el va avanti pù
oh Caterina el tò Luis el va avanti pù.

Fòrza Luigi, fòrza Luigi
fòrza Luigi gh’è scià el tramvai
gh’è scià el tramvai, gh’è scià el tramvai
oh Caterina lù el gh’ha on pee dent’ i rotai
oh Caterina lù el gh’ha on pee dent’ i rotai.

Fermate il tram !... Spostate il tramm!
Vègnen giò tucc, òh che can-can,
E lù l’è là compagn d'on scior
che el ghe da dent col sò tambur.

L’è lù, l’è lù, sì, sì, l’è pròppi lù
L’è ‘ tamburo principal de la banda d’Affori
che ‘l comanda cinquecentocinquanta pifferi
ohei tosann, battee i man che ‘l tambur l’è scià
che risòtt, gh’è anca i òcch che ghe fann qua-qua.
A vedèll gh’è i tosanètt che diventen timide
Lù el confond el Rigolètt con la Semiramide
Bella figlia dell’amor
schiavo son, schiavo son dei vezzi tuoi.