Stampa

di: Giorgio Danese


 

 

 

Cammini depermì compagn d’on can
e passi i mè giornad longh el Navili
in del mè coeur gh’è tanta nostalgia
di dì passaa con la mamètta mia.
Quand te see giovin te par de toccà el ciel
e te rincorret semper la fortuna
el temp el passa e ‘l lassa indree ona scia
in del tò coeur gh’è semper ona poesia.

Mia cara mama
la vita l’è ona roeuda che la gira,
ma denter mì gh’è semper la speranza
de ritrovatt on dì visin a mì.
Mia cara mama
la realtà dai sògn l’è ben divèrsa
mì voraria tornà come ona vòlta
a rid insèma a tì, mamètta mia.

Te me spettavett lì, sòtta ‘l porton
in cà gh’era già pront la mia minèstra
ona carèzza e poeu scappavi via
che bèi ricòrd con tì, mamètta mia.
Quand te see giovin te par de toccà el ciel
e te rincorret semper la fortuna
el temp el passa e ‘l lassa indree ona scia
in del tò coeur gh’è semper ona poesia.

Mia cara mama
la vita l’è ona roeuda che la gira,
ma denter mì gh’è semper la speranza
de ritrovatt on dì visin a mì.
Mia cara mama
la realtà dai sògn l’è ben divèrsa
mì voraria tornà come ona vòlta
a rid insèma a tì, mamètta mia.
Mia cara mama
la realtà dai sògn l’è ben divèrsa
mì voraria tornà come ona vòlta
a rid insèma a tì, mamètta mia.