Stampa

di: Aurelio Barzaghi


 

 

 

La mia ghitara la gh’ha on bèll vizzi
la mia ghitara la fa i caprizzi
lee tutt i nòtt da la voeuna ai trè
la voeur che canti insèma a lee:
lee tutt i nòtt da la voeuna ai trè
la voeur che canti insèma a lee.

La mia ghitara l’è delicada
la voeur che canti ona serenada
adasi, adasi con on fil de vos
come se fa fra duu moros:
adasi, adasi con on fil de vos
come se fa fra duu moros.

Sòna, sòna, sòna, sòna, sòna, sòna, sòna,
mia ghitara, cara, cara, cara, cara, cara, cara, cara,
sòna, sòna, sòna, sòna, sòna, sòna adasi che l’è nòtt
e se sveglia ona farfalla e la me gira su la spalla
e la me guarda e poeu la vola e la me fa,
ma va quèll lì che l’ha scambiaa la nòtt col dì.

Gh’è on ragg de luna
chì visin a mì
lì su la poltròna
el mè gatt el dòrma anca per mì
el mè gatt el dòrma anca per mì.

Passa ona biciclètta giò de bass
gh’è fumm de sigarètta che ‘l va a spass
su la tovaja nètta gh’è ona smaggia de brusaa
ròbb che succed se vun l’è innamoraa
su la tovaja nètta gh’è ona smaggia de brusaa
ròbb che succed se vun l’è innamoraa.

Sòna, sòna, sòna, sòna, sòna, sòna, sòna,
mia ghitara, cara, cara, cara, cara, cara, cara, cara,
sòna, sòna, sòna, sòna, sòna, sòna adasi che l’è nòtt
e de nòtt la vos la corr

La mia ghitara la gh’ha on bèll vizzi
la mia ghitara la fa i caprizzi
adasi, adasi con on fil de vos
come se fa fra duu moros:
adasi, adasi con on fil de vos
come se fa fra duu moros
come se fa fra duu moros
come se fa fra duu moros.