Stampa

di: Giorgio Danese


 

 

 

Mì sont on milanes
e insèma a la mia gent
passavi tanti nòtt in osteria
on liter de quèll bon, la mia ghitara in man
formavom ona bèlla compagnia.
Gh’avevi tanti amis
che peou hinn andaa via
e m’hann lassaa in del coeur
‘na gran malinconia.
Me ven de caragnà però l’è mèj cantà
ciappà la vita on poo come la va.

Mì sont innamoraa de quèsta mia città
de tutta la soa gent innamoraa
e cantaroo per lor i mè canzon d’amor
e tutt i bèi ricòrd che gh’hoo in del coeur.
Mì sont on milanes, magari on poo ruffian,
ma gh’hoo in del coeur la gent del mè Milan.

Mì sont on milanes
e insèma a la mia gent
inventi i serenad al ciar de luna
me senti inscì seren, me va de cicciarà
fa quatter pass in riva al mè Navili.
Gh’avevi tanti amis
che peou hinn andaa via
e m’hann lassaa in del coeur
‘na gran malinconia.
Me ven de caragnà però l’è mèj cantà
ciappà la vita on poo come la va.

Mì sont innamoraa de quèsta mia città
de tutta la soa gent innamoraa
e cantaroo per lor i mè canzon d’amor
e tutt i bèi ricòrd che gh’hoo in del coeur.
Mì sont on milanes, magari on poo ruffian,
ma gh’hoo in del coeur la gent del mè Milan.

musica

Mì sont innamoraa de quèsta mia città
de tutta la soa gent innamoraa
e cantaroo per lor i mè canzon d’amor
e tutt i bèi ricòrd che gh’hoo in del coeur.
Mì sont on milanes, magari on poo ruffian,
ma gh’hoo in del coeur la gent del mè Milan.
Mì sont on milanes, magari on poo ruffian,
ma gh’hoo in del coeur la gent del mè Milan.