Stampa

di: Walter Di Gemma


 

 

 

La mia dòna la gh’ha paura,
la gh’ha paura de vègh i dolor
la gh’ha paura de vègh i dolor.
La soa paura mì l’hoo capida
la soa paura de vègh i dolor
in lett l’hoo trovada insèma al dottor.

La mia dòna la gh’ha paura,
la gh’ha paura di allagament
la gh’ha paura di allagament.
Mì l’hoo capida la soa paura
de vèss allagada fin ai pee
in lett l’hoo trovada insèma al trombee.

Ma pòrco sciampin, ragiòna on moment
perchè a la toa dòna te gh’hee de stà attent.
Nò, nò, la mia dòna l’è de rispettà
lassee che ve cunti i paur che la gh’ha.

La mia dòna la gh’ha paura
la gh’ha paura de ciappà frègg
la gh’ha paura de ciappà frègg.
La soa paura de ciappà frègg
l’ha minga risòlta col paltò
de nòtt la va in strada e la pizza on falò.

La mia dòna la gh’ha paura
la gh’ha paura, paura del foeugh
la gh’ha paura, paura del foeugh.
Che la gh’aveva paura del foeugh
mì l’hoo capii pròppi l’altr’er
in lett l’hoo trovada con quatter pompier

Ma pòrco sciampin, ragiòna on moment
perché a la toa dòna te gh’hee de stà attent.
E la soa paura l’è el caso de dì
saria pròppi ora de vèghela tì.

musica

Ma pòrco sciampin, ragiòna on moment
perchè a la toa dòna te gh’hee de stà attent.
Nò, nò, la mia dòna l’è de rispettà
lassee che ve cunti i paur che la gh’ha.
Ma pòrco sciampin, ragiòna on moment
perchè a la toa dòna te gh’hee de stà attent.
E la soa paura l’è el caso de dì
saria pròppi ora de vèghela tì.