Stampa

di: Giorgio Danese


 

 

 

Quand seri piscinin andavi in gesa
insèma a la mia mama e al mè papà
disevi semper qualche Ave Maria
finii la Messa tucc in su la via.
A gh’era l’offellee coi sò torroni,
castègn, polenta e ròba de mangià
e poeu se andava tucc in osteria
che bèi giornad pien de felicità.

La mia città
la pèrla pussee bèlla de la tèrra
son nassuu chì
per quèst Milan te voeuri tanto ben.
Me senti on scior
se guardi i tò palazz e i monument
senza de tì el coeur d’on meneghin el pò morì.

Ormai son vègg e vivi de poesía
e tiri in ball de spèss la mia città
di vòlt me vegn on poo de nostalgia
tanta cultura pèrsa in de la via.
Progrèss cressuu magari on poo a la svèlta
pubblicità che parla domà ingles
in alt però gh’è la mia Madonina
che la conoss domà el milanes.

La mia città
la pèrla pussee bèlla de la tèrra
son nassuu chì
per quèst Milan te voeuri tanto ben.
Me senti on scior
se guardi i tò palazz e i monument
senza de tì el coeur d’on meneghin el pò morì.

musica

Me senti on scior
se guardi i tò palazz e i monument
senza de tì el coeur d’on meneghin el pò morì
senza de tì el coeur d’on meneghin el pò morì.