Stampa

di: Popolare 

 

 

A la mensa collettiva a gh’è el mangià che stracca
se va denter con la fòrza e se vegn foeura con la fiacca
la minèstra semper bònna perchè la dis mai nient
te ne dann ona tazzina, ma ghe manca el condiment.

La minèstra semper bòna perchè la dis mai nient
te ne dann ona tazzina, ma ghe manca el condiment.

Se te voeuret per vint lira te dann anca el bològna
la grassa che gh’era denter l’è scappada de la vergògna
quatter rav in insalada, fettin ben ben tajaa
merluzz che te refilen el campana ‘mè on dannaa.

quatter rav in insalada, fettin ben ben tajaa
merluzz che te refilen el campana ‘mè on dannaa.

A la mensa collettiva gh’è i sbarbaa de la via Arèna,
ghe va anca el scior Giacòbbe con la sciora Maddalèna
Lisander ch’el starnuda e ’l Rico perrucchee
la mensa collettiva la fa sù di grand danee,

Lisander ch’el starnuda e ’l Rico perrucchee
la mensa collettiva la fa sù di grand danee.