Stampa

di: Mal Traa Insèma


 

 

 

La prima vòlta che t’hoo vist bellèzza mia
me son faa ross in faccia e i gamb me s’hinn tremaa
tì te credevet de avègh a fà cont on Tobia
te m’hee faa on bèll sorriso
e mì son staa sonaa.

Che bèll moment l’è staa quèll lì
quanti promèss te m’hee faa tì
adèss te me fee i còrna tutt i dì.
La prima vòlta che t’hoo vist bellèzza mia
a l’era mèj che andavi a fà ballà i pivion.

Gregoria gh’hoo i còrna de cavron
maliarda te m’hee faa on bèll bidon
l’amor per tì l’è on tòcch de sass
te m’hee faa fina i còrna con quèll che mèna el giazz.
Gregoria famm minga caragnà
l’amor l’è minga baccalà
per tì gh’hoo el coeur in fond ai pee
senza parlà del grano che avanzi al cervellee.

La toa passion la fa vegnì fin l’itterizia
son giald come on cines che ‘l sciuscia regolizzia.
In quatter mes mì son calaa quaranta chili
stoo a galla me on buscion su l’acqua del Navili.
Oh pòr Giovann, me disen tucc,
te see consciaa come on magutt
l’amor el te consuma la salutt.
Per lee ho perduu perfina el pòst in ferrovia
adèss mì foo el guggia al tramm che ‘l va a Pavia.

Gregoria te m’hee tiraa bèll còtt
se crèpi mì vinci on tèrno al lòtt
per tì me son vanzaa pù nient
me restaa domà on ombrèlla
e on gatt col mal de dent.
Gregoria te seet on cadenazz
scarliga, va pur con quèll del giazz
per tì el coeur me s’è s’cioppaa
senza parlà dei dèbitt che anmò gh’hoo de pagà.

Paga, paga, paga Giovannino
e quel cretino che paga sono mè!