Stampa

di: Nanni Svampa; Georges Brassens


 

 

 

Quand sont andaa a cantagh la mia canzon a la Ginètta
sta brutta carognètta l'era andada al varietà:
son restaa lì ‘me on ciall col coeur in man, oh mamma!
son restaa lì ‘me on ciall col coeur in man.

Quand sont andaa a portagh la mia mostarda a la Ginètta
sta brutta carognètta l'era adree a bev el cafè;
son restaa lì ‘me on bamba mì e 'l pestonin, oh mamma!
son restaa lì ‘me on bamba mì e 'l pestonin.

Quand sont andaa a compragh la bici spòrt a la Ginètta
l'hoo vista tutta nètta passà via con la ses'cent
son restaa lì 'me on stupid mì e 'l campanèll, oh mamma!
son restaa lì ‘me on stupid mì e' l campanèll.

Quand sont andaa intappaa al primm pontèll con la Ginètta
l'hoo vista in d'on porton a limonà cont on malnatt
son restaa lì ‘me on ciall a cuntà i violètt, oh mamma!
sontrestaa lì ‘me on ciall a cuntà i violètt.

Quand son partii decis e hoo dii: ghe spari a la Ginètta
sta brutta carognètta l'era mòrta in d'on sorpass:
son restaa lì ‘me on bamba a vardà el grillètt, oh mamma!
son restaa lì ‘me on bamba a vardà el grillètt.

Quand son andaa tutt negher a mètt via la mia Ginètta
m'hann dii che l'era giamò resuscitada e l'era al mar:
son restaa lì ‘me on bamba mì e 'l mazz de fior, oh mamma!
son restaa lì ‘me on bamba mì e ’l mazz de fior.