Stampa

di: Aldo Aldi


 

 

 

Mì quand seri ona tosa, ona tosètta
mì fasevi giamò andà la mia gambètta
cont on ganz on poo gandolla
on ballabiòtt
che però el ballava ben tango e fox-trot.
Poeu per colpa d’on ziffol in biciclètta
me son fada tanto mal a ona gambètta,
ma però anca inscì fassada quand ven la sera
a l’è pussee fòrt de mì e voo in balera.

Sì, sì, sì son pròppi mì la ballerina
quèlla de la gambètta ziffolina
mì balli l’hesitation e ‘l charleston
el boogie el cha-cha-cha e anca el bajon
e poeu mì foo el casqué a l’argentina
anca se gh’hoo la gamba ziffolina.

On bèll dì m’hann ròtt el gèss de la gambètta
Son tornada a scattà ‘me ‘na saètta
cont on mas’c on poo scavion
vun de quèi bèi,
ma i amis m’hann dii “sta’ attenta che l’è on gay”.
Mì allora on poo rabiada gh’hoo dii:
“Orèggia, te convien menà i tòll,
mètt giò la sèggia
el voreva che mì andassi con lù in riviera,
ma preferisi anmò tornà in balera.

Sì, sì, sì son pròppi mì la ballerina
quèlla de la gambètta ziffolina
mì balli l’hesitation e ‘l charleston
el boogie el cha-cha-cha e anca el bajon
e poeu mì foo el casqué a l’argentina
anca se gh’hoo la gamba ziffolina
e poeu mì foo el casqué a l’argentina
anca se gh’hoo la gamba ziffolina.