Stampa

di: Giorgio Danese


 

 

 

Quatter pass in Galleria
poeu de corsa al Ticines
gh’è on orchèstra on poo nostrana
vun che ‘l canta in milanes.
Tanta gent che balla el tango
la mazurca, el cha-cha-cha
sont innamoraa del valzer
dai, ninin, ven chì a ballà.

L’è la fèsta di Navili,
l’è la fèsta de Milan
che profumm de ròba bòna
de salamm in mèzz al pan;
ona fisa e ona ghitarra
e on bèll litròtt de vin
ritrovass in compagnia
e cantà in meneghin.

On girètt su la barchètta
da la Darsena a Gaggian
e cantà ona serenada
per la gent del mè Milan
ritornà semper de sera
quand la gent la va a dormì
restà lì a guardà el Navili
e spettà che vègn el dì.

L’è la fèsta di Navili,
l’è la fèsta de Milan
che profumm de ròba bòna
de salamm in mèzz al pan;
ona fisa e ona ghitarra
e on bèll litròtt de vin
ritrovass in compagnia
e cantà in meneghin.

musica

ona fisa e ona ghitarra
e on bèll litròtt de vin
ritrovass in compagnia
e cantà in meneghin
ritrovass in compagnia
e cantà in meneghin.