di: Brambilla

Disen che in Brasile gh’è nassuu la Conga,
ma credighegh minga che l’è minga inscì.
L’era già inventada la Conga Fallada,
ma l’hann declassada, la voreven pù.
L’è de sto Navili, su l’Alzaia longa
ch’hann voruu la Conga, ma domà per lor.

Poeu vun di tanti Sfòrza l’ha ciamaa el Da Vinci
el gh’ha dii: “Per dinci: cosa ‘èmm mai de fà?”.
El bon Leonardo el s’è miss de vèna
dòpo on’ora appèna el gh’ha risponduu:
“Se vorii ona Conga mì ve doo on consili
féla del Navili e parlèmen pù”.
E tutta la ghenga l’ha s’è miss in ghingi
perciò la Conga l’ha taccaa a ballà.

Quindi là in Brasile faghen minga i bamba
gh’hann giamò la samba, pòden contentass.
A sentì la Conga la par brasiliana,
ma l’è ambrosiana come el panetton.
E quand che te disen “Ma come l’è bèlla”
cuntegh la storièlla come l’ha faa a nass.

Poeu vun di tanti Sfòrza l’ha ciamaa el Da Vinci
el gh’ha dii: “Per dinci: cosa ‘èmm mai de fà?”.
El bon Leonardo el s’è miss de vèna
dòpo on’ora appèna el gh’ha risponduu:
“Se vorii ona Conga mì ve doo on consili
ma féla del Navili e parlèmen pù”.
E tutta la ghenga l’ha s’è miss in ghingi
perciò la Conga l’ha taccaa a ballà.
E tutta la ghenga l’ha s’è miss in ghingi
perciò la Conga l’ha taccaa a ballà.