di: Nanni Svampa
La stava in Montenero al numer 23;
l'andava a lavorà col tramm tutt i dì.
L'era bèlla, bianca e rossa, l'era on bellee;
la faseva i sò des dì de feri anca lee.
Ma a furia de ciappà la circonvallazion,
l'ha ciappaa ona sbandada de fà impression:
l'ha cominciaa a filà in del '59
cont on bigliettari del numer 29.
Settada in fond al tramm la va pù a lavorà
per stagh semper adree, per 'vèghel taccaa.
Settada semper lì visin al baracchin,
lù 'l droeuva ona man sola per sbusà i tesserin.
La stava in Montenero, adèss la veden pù,
brutta, grisa e smòrta, compagn de lù,
e quand che passen via indoe la stava lee de cà
la mama la ghe da sù on quaicòss de mangià.
Adèss vègnen giò pù, hinn semper lì taccaa,
e se ricòrden nanca de quand hann cominciaa.
Adèss vègnen giò pù, hinn semper lì taccaa,
e se ricòrden nanca de quand hann cominciaa.