di: Aurelio Barzaghi

L'altra sera in galleria hoo incontraa ona cinesina
alta quasi stèss de mì
con duu oeugg con duu oeugg che guarda in su
La me fa: Scusi signole vuole falmi compagnia?
Vuole falmi diveltile?
Hoo tiraa su on bèll respir e gh'hoo dii: dai fèmm on gir
dai fèmm on gir sul tòr
gira gira gira gira gira gira gira gira e vòlta
dai fèmm on gir sul tòr
gira gira gira gira gira gira gira gira e vòlta
poeu sèmm andaa al cafè semper a pass de pòlka
ona pòlka in galleria cont in man ona tazzina
brasciaa su a ona cinesina ròbba che capita pù
ona pòlka in galleria cont in man ona tazzina
brasciaa su a ona cinesina ròbba che capita pù.

Mi chiamo Pin, mi chiamo Pin,
ma che bèll nòmm stèss del mè zio
Gioco a ping pong, gioco a ping pong
mì inveci nò mi giughi al lòtt
e se branchi ona cinquina òh mia bèlla cinesina
te regali ona collana e on negòzzi pien de fior
e se branchi ona cinquina òh mia bèlla cinesina
mì te foo vedè la luna sul battèll del lagh Maggior
Cinqucentcinquantacinqu cines stèss di formigh in galleria
Cinqucentcinquantacinqu cines stèss di formigh
me l'hann portada via.
L'è staa inscì che in galleria son staa lì con la tazzina
ma la bèlla cinesina si però l'hoo vista pù.
ma se branchi ona cinquina me l'è vera che son chì
sul battèll del lagh Maggior ghe voo anca depermì,
ma se branchi ona cinquina me l'è vera che son chì
sul battèll del lagh Maggior ghe voo anca depermì.