di: Aurelio Barzaghi

L'era el pussee brao di operari
tutt'el  dì in su la cadèna a invidà dadi e bullon
per non perder tempo al gabinetto la faseva in di calzon.
L'era el pussee brao di operari
cont el tony che saveva de sudor de òli e grass
l'era ona sera par nanca vera
de chi l'è andaa a innamorass

D'ona ciav a brugola
che con l'aria frivola
la diseva "baciami" 
la diseva "prendimi"
lù con l'aria mòrbida
de margherita timida
el borlava in estasi
per duu ò trii dì.

L'era el pussee brao di operari tutt'el dì in su la cadèna anca el dì de ferragost
lui non stava a casa in malattia el curaven in sul pòst.
L'era el pussee brao di operari
se mancava la corrente
el suttava a fà andà i brasc
l'era ona sera par nanca vera de chi l'è andaa innamorass

D'ona ciav a brugola
che con l'aria frivola
la diseva "baciami"
la diseva "prendimi"
lù con l'aria mòrbida
de margherita timida
el borlava in estasi per duu ò trii dì.

L'era el pussee brao di operari ‘dèss l'hann miss insèma ai matt e ògni tant el fà on ballètt
con la chiave a brugola sul cuore
con la chiave a brugola sul cuore
m'hann dii i sò amis...
me l'hann dii incoeu
che al mes d'agost...
ghe nass on fioeu.
M'hann dii i sò amis...
me l'hann dii incoeu
che al mes d'agost...
ghe nass on fioeu.