di: Popolare

La miee del cervellee
la piang, la strilla, la pèsta i pee
tutt el dì con sto salamm
a gh’è scappaa anca la famm

E lee l’ha dii: Ohei, mì son stufa
on bèll dì voeuri scappà
inscì l’ha faa.

La fa pù la cervellera
quèll bèll tòcch de scorcionera
l’è scappada l’altra sera
per vorè cambià bandera.

Lee l’ha dii: la mortadèlla
oramai l’è semper quèlla
voeuri andà a cambià mestee
scapparò col fondeghee
ma foo pù la cervellera – olè.

Gh’è success on gasaghee
l’ha taccaa lit col fondeghee
l’è tornada a fà la pas
col sò marì, el sò Gervas.

In mèzz a pever e cannèlla
ghe pareva de morì
l’è stada inscì.

La fa pù la fondeghera
e la fa anmò la cervellera
quèll bèll tòocch de scorcionera
l’ha tornaa a voltà bandera.

Adèss ghe pias la bondaioeula
la me sbrana el gorgonzoeula
e l’ha ciappaa on indigestion
cont on bèll tòcch de salsizzon
la fa anmò la cervellera – olè.