di: Giorgio Seropian

Sem, Cam e Jafet eren trii fioeu del Noè,
ma ‘l Noè quand l’era ciocch i ha casciaa tucc foeura di pee,
ma ‘l Noè quand l’era ciocch i ha casciaa tucc foeura di pee.

El Noè i sò bagai quand i ha faa l’era on veggètt:
se sa nò ‘me l’ha faa a fai s’el tegniven a stecchètt.
El Noè ‘sto margnifon l’è campaa on million de dì
e m’ha dii on mè amis debon ch’el segrètt a l’era quèst chì:
Vun l’è negher, vun l’è bianch l’alter el gh’ha giald el color
e gh’hann tucc domà ona mader: a l’è on miracol del Signor.
Paccià e bev per tutt el dì pròppi nisba lavorà
e la miee cont i trii fioeu citto mosca e giò a sgurà.

Sem, Cam e Jafet eren trii fioeu del Noè,…

Meneghin e jafetit gh’èmm domà ona miee
che ne ruga e ne spessega e comanda domà lee
se ghe taccom poeu la sòcera i cugnaa e la portinara
sèmm in mèzz a la cagnara sèmm ciappaa pe’ i gamb dedree!
Mi soo nò come farann chi pòr crist di marocchin
de miee dò o trè ghe n’hann e ona banda de fiolin
mì gh’hoo pròppi l’impression che doperen el baston
se podèssom anca nun …..? ma ‘l voeur nò la religion!

Sem, Cam e Jafet eren trii fioeu del Noè,…

Anca quand l’ha faa sù l’Arca eren minga tucc content:
chi voreva domà ‘na barca chi voreva on bastiment.
Lù l’ha faa sù on bèll barcon e de bèsti l’ha impienii
ma la gent la reclamava gh’era spuzza tutt el dì.
A la fin finii el diluvi gh’è staa pù de baccaià
eren tucc inscì content ch’hinn andaa foeura di ball.
La moral inscì se l’è ? var nò vèss fioeu del Noè:
se andrà sempr’ in gir per praa se s’è minga caviggiaa!

Sem, Cam e Jafet eren trii fioeu del Noè,…