di: Luigi Carcano; Claudio Merli

A l'era tanta bèlla
e mì hoo vist in lee,
tra tanti stèll, la stèlla
che m'ha indolzii pussee

i tentazion d'amor,
che s'hinn smorzaa in del coeur
con pù nissun calor,
compagn d'on fior ch'el moeur.

E l'ultima illusion,
coi boff d'ona ventada,
e tucc i sò magon,
sui nivol l'è volada.

Ma quand se mètt a pioeuv,
dai nivol i magon,
ritornen de bèll noeuv
insèma a l'illusion.

E quand la nòtt l'è ciara
mi pòver vagabond,
a voo con la ghitara
in tucc i sit del mond.

Ricanti i me canzon,
content e spensieraa
scorlissi l'illusion
che on fals amor m'ha daa.

E l'ultima illusion,
coi boff d'ona ventada,
e tucc i sò magon,
sui nivol l'è volada.

Ma quand se mètt a pioeuv,
dai nivol i magon,
ritornen de bèll noeuv
insèma a l'illusion.