di: Walter Valdi

Ne la mia strada gh'è ona busa noeuva,
ona busa noeuva che ier la gh'era nò.
L'hoo minga vista, pòrca d'ona Eva,
quèlla busa noeuva e, pamm, son borlaa giò!

Tutt incazzaa hoo dii: "Voo in del Sindich.
M'hann diiì de andà a parlà a on sportèll.
Sont andaa là e gh'hoo dii: Ma còme...
ghè in gir i bus senza cartèll?!...

Ne la mia strada... sì... ona busa noeuva...
ona busa noeuva che ier la gh'era nò...
Me son faa mal tutt chì in su la gengiva,
in de la busa noeuva, e me fa mal an'mò!"

El fa: Ma a mì cosa me impòrta
de la soa busa?... Cosa gh'entri mì...?
Ch'el vaga su al quint pian, seconda pòrta:
l'è competenza del reparto “C”

Sont andaa sù finna al quint pian de corsa.
Quand son staa sù, dòpo, m'hann mandaa giò.
M'hann mandaa giò in on altra stanza
e, quand son staa giò, m'hann mandaa su ancamò!

Ghe l'hoo dii a tucc mì: "Gh'è ona busa noeuva,
ona busa noeuva che ier la gh'era nò,
ne la mia strada; bisògnaria quattalla,
se nò, pòrca sidèlla, doman l'è lì ancamò.

Soo pròppi nò come la sia,
m'hann faa girà come on merluzz
per trovà quèll che poeu ‘l saria
el competent per stoppà i bus.

El dis: "Ch'el faga ona domanda,
poeu, dòpo, me la pòrta chì,
cont ona fòto bèlla granda,
fòrmato duu per vintitrii!"

E mì hoo scritt giò che gh'è ona busa noeuva,
ona busa noeuva che ier la gh'era nò,
ne la mia strada; ghe voraria la fòto,
ma la mia macchinètta l'è ròtta e pòdi nò!

Son vegnu via incazzaa 'me on negher
Sont andaa a cà, l'era an'mò lì.
Passava on ghisa, gh’hoo dì: “Ch'el senta!"
L'ha minga vista, l'è andaa denter fin chì.

E mì gh’hoo dì: “A l'è ona busa noeuva,
ona busa noeuva che ier la gh'era nò.
‘dèss ch'el gh'è andaa denter lù che l'è on ghisa,
ch'el vaga e ghe le disa de quattalla giò!

Tattittottirottì Tattittottirottà Tattittottirottirottà!