di: Giorgio Danese
 

Quand mì cantavi te sognavi già
e stavi lì visin a la toa cà
quand te vedevi camminà per strada
el coeur, t’el giuri, el me se illuminava.
Timidament mì te disevi: ciao;
fasevi on tòcch de strada insèma a tì
poeu te invidavi al bar per on cafè
a mèzza vos mì te disevi inscì:

Mì voeuri viv la vita insèma a tì
guardatt el tò bèll sorris e ditt de sì
sentì la melodia del temp che ‘l va
e vèss anmò de tì innamoraa
e ricordà el dì che t’hoo incontrada
me se stringeva el coeur da l’emozion
quand te cantavi la mia serenada
morivi de passion sòtta el porton.

Ma l’è trent’ann ormai che sèmm sposaa
gh’è tanti fioeu che giren per la cà
i nevodin ghe ciamen nòno e nòna
insèmma a lor che spass la mia giornada;
timidament te sfiori anmò la man
la sera lì davanti a la tv
e poeu bevi on grappin per tiramm sù
a mèzza vos te disi ancamò inscì:

Mì voeuri viv la vita insèma a tì
guardatt el tò bèll sorris e ditt de sì
sentì la melodia del temp che ‘l va
e vèss anmò de tì innamoraa
e ricordà el dì che t’hoo incontrada
me se stringeva el coeur da l’emozion
quand te cantavi la mia serenada
morivi de passion sòtta el porton. 

musica

e ricordà el dì che t’hoo incontrada
me se stringeva el coeur da l’emozion
quand te cantavi la mia serenada
morivi de passion sòtta el porton
morivi de passion sòtta el porton.