Stampa

di: Nino Rossi
 

 

 

Dòpo trentacinch ann che ghe l’avevi
l’era frusta, sbiadida e malandada.
Sul davanti la s’era on poo affolosciada
e sul còll ona quai piega se vedeva.
Tutt i amis me diseven: “Tralla via”:
indoe la butti? Poeu, in fond, rincresseva.
Da tròpp temp sto brutt penser el me angustiava,
ma ona sera m’è balenaa on idea.

L’hoo brusada.
L’era on lunedì de sera vèrs i sètt.
Che fiammada….
gh’è brusaa in del gran falò tutt el boschètt.
Che fregada.
Gh’è rivaa quatter “panter” come saètt
m’hann impacchettaa al moment
come fussi on delinquent
m’hann portaa in Questura senza compliment.

Imputato di doloso inquinamento,
per lo scarico abusivo di ciarpame,
di catastrofe ecologica in flagrante.
Tutto per voler distruggere un rottame.
Io volevo sol bruciare un capo usato
glielo giuro mì coi piant non ce l’avevo.
Che assumesse questo aspetto non credevo
“Vostro Onore” questo è il fatto come è andato.

L’hoo brusada.
La correva tra i cespuli ’me on stambècch.
L’è gremada
cont i piant, ma l’ha m’ha faa l’ultim dispètt.
Lee l’è stada,
che in del corr la gh’ha daa foeugh a quèll boschètt.
Lee l’è stada, mia miee.
Voeuri nò pagà per lee
in giudizio va la Corte.
Tutt in pee.