di: Roberto Ridolfini; Leonardo Marzagalia
 

On dì m’era vegnuu pròppi el fotton
Vorevi on outomòbil d’occasion
Savevi pù se fà e seri disperaa
Son daa a fà a on gir a pè in cors Sempion
M’hann domandaa ona pila de milion
m’hann faa ona crappa gròssa ‘me on ballon
per strada son tornaa e l’hoo sentii ‘rivà
col pussee bèll rumor de la città.

Il Tramm, il Tramm
Te pòdet andà in in gir per tutt Milan
Il Tramm, il Tramm
El va a corrent e inscì el fa minga dann
Il Tramm, il Tramm
Che gran fortuna che a Milan gh’è el Tram,
Il Tram,, il Tram,
Ma chissà quanta gent la ciappa il Tramm.

Arrivi a cà e me troeuvi la mia miee
Che subit l’ha tacca a vosamm adree
Perchè te steet a cà, e te vee nò a laorà
Se te ghee nò la macchina va a pee
Mì l’hoo guardada senza fà nagòtt
Gh’hoo dii domà  “Te see che t’hee mi e ròtt” 
Per strada son torna e l’hoo sentii ‘rivà
col pussee bèll rumor de la città

Il Tramm, il Tramm
Ste fee la brava mì te pòrti in Tramm
Il Tramm, il Tramm
Mì voo pù a cà stasera dòrmi in Tramm
Il Tramm, il Tramm
L’è ‘l nich che ’l va in gir senza inquinamm
Il Tramm, il Tramm
Mì vendi la miee e me compri on Tramm.

Sul Tramm, sul Tramm
Gh’è tanta gent gh’hinn tanti bèi tosann
Sul Tramm, sul Tramm
I nònni e i nevodin se dann la man
Sul Tramm, sul Tramm
Mì foo la fèsta del mè compleann
Sul Tramm, sul Tramm
Ghe pòrti anche la suocera sul Tramm.

Il Tramm, il Tramm
L’è pròppi vun di simbol de Milan
Il Tramm, il Tramm
Gh’è semper on quaivun che da ona man.

Il Tramm, il Tramm
L’è mèj dà via la macchina e andà in tramm
Il Tramm, il Tramm
Se te see nò daccòrd tacches al tramm.