di: Walter Valdi
 

Faceva il palo ne la banda de l’Ortiga,
ma l’era sguèrc, el ghe vedeva quasi pù
e l’è staa inscì che i hann ciappaa senza fadiga
i hann ciappaa tucc, pròppi tucc foeura che lù.

Era lì fisso che scrutava nella notte
quand ghè passaa pròppi davanti a lù on polee,
insèma a on ghisa, trii caramba e on metronotte,
nanca ona piega lù l’ha faa, nanca on plissè.

Faceva il palo ne la banda de l’Ortiga,
faceva il palo perchè l’era el sò mestee.

Istèss precis compagn de quèll de la Maschèrpa
hinn restaa lì i sò amis in de ‘l vedè i polee
hann dii: “Ma come, brutta loeuggia, vacca pòrca,
ma il nòster palò, ‘sto pistòla, indoe l’è?”.

Era lì fisso che scrutava ne la notte
l’ha vist nagòtta, ma in compens l’ha sentuu nient,
perchè vederci non vedeva un autobotte
però sentirci el ghe sentiva on accident!

Faceva il palo ne la banda de l’Ortiga,
faceva il palo con passione e sentiment.

Ci sono stati pugni, spari, grida e botte,
i hann menaa via che l’era già quasi mèzz dì
lui sempre fisso lì a scrutare nella notte
el ghe vedeva istèss de nòtt come del dì.
Ancora adesso è lì che scruta nella via
la gent le ved, ghe da on cent lira e poeu la va
lui circospetto el varda in gir e poeu ie mètt via
e poeu el barbòtta perchè ormai l’è on poo incazzaa.

A l’è incazzaa con tutt la banda de l’Ortiga
perchè lù el dis che se fa minga inscì a robà.

El dis: “Ma còme: a mì me lassen chi de foeura,
e lor, le sà ‘l Signor quand l’è che vègnen sù
e poi il bottino me le pòrten sù a cent lira
on tòcch per vòlta a fa inscì finissen pù.
Eh nò: ques’ chi l’è pròppi on lavoraa de ciolla,
mì sont on palò, minga on pipa, e ghe stoo pù,
mì vègni foeura da ‘sta banda de pistòla,
mi metto in proprio inscì almen ghe pensi pù.

Mi vègni foeura da la banda de l’Ortiga
se hinn minga bon, oei, che vaghen a dà via ‘l…

Che vaghen a dà via quèll che voeuren,
vègni foeura da la banda de l’Ortiga,
basta, ghe stoo pù in de la banda de l’Ortiga,
mancherebbe altro!