Stampa

di: Claudio Sanfilippo
 

 

 

Disen che sont el matt che vola
Taccaa a l’aereo in sù la coa
a guardà el mond a l’incontrari
pòdi quasi toccà la Madonina
on ombra che se slonga in sul sagraa.
Giosuè vira minga in Galleria
che gh’è temp de passà là
e me pias cantà per aria
e vosà quèll che me par
per cuntà ona bèlla stòria
coi paròll che fann volà.

Sèmm minga chì per fà la guèrra
sèmm minga chì per stoppà i bus
sèmm faa de anima e de tèrra
e sconduu sòtta sèlla gh’èmm i all
e mì gòdi el tramont sora el Sempion.
Giosuè ti te see che on aviator
l’è visin ai stèll de bon
e me pias cantà per aria
e vosà quèll che me par
per cuntà ona bèlla stòria
coi paròll che fann volà.

Pòdi quasi toccà la Madonina
on ombra che se slonga in sul sagraa
Giosuè ti te see che on aviator
l’è visin ai stèll de bon
e me pias cantà per aria
e vosà quèll che me par
per cuntà ona bèlla stòria
coi paròll che fann volà
i paròll che fann volà
i paròll che fann volà.