Stampa

di: Aurelio Barzaghi
 

 

 

E canti ona canzon a ligera
e canti ona canzon domà per mì
e canti in depermì anca stasera
con la ghitara in man ai mè vint ann.

I mè vint ann i hoo perduu a pòcch a pòcch
on poo de chì, on poo de là
in ona strada de Lambraa
i mè vint ann hinn borlaa in tèrra a tòcch a tòcch
dedree a on car che va a Musòcch
ona mattina de primavera
i mè vint ann: ona torta coi candel
che on quaidun che vola in ciel prepara pù.

El mè penser el va in de l’aria ciara
el se mètt dree a volà insèma a ona foeuja
e canti ona canzon perchè gh’hoo voeuja
de ricordass on poo di mè vint ann.

I mè vint ann i hoo perduu a pòcch a pòcch
on poo de chì, on poo de là
in ona strada de Lambraa
i mè vint ann hinn borlaa in tèrra a tòcch a tòcch
dedree a on car che va a Musòcch
ona mattina de primavera
i mè vint ann: ‘na bestèmma e on orazion
tre pesciad in sul porton e poeu chissà…
i mè vint ann: ‘na bestèmma e on orazion
e ona fètta de pan pòss anmò in del gòzz.