di: Alberto Bega
 

La lus pian pian la scappa
lontan de ‘sta città
el sô ‘me on oeuv in ciappa
el moeur dedree di cà
Milan la se indormenta
ghe sònen in campan
la vita la se ferma domà a frecass de tramm.

Se senten i campann de Sant Ambroeus
risponden tucc in còro i alter ges
l’è on concert che riva in sù i Bastion
e on menestrèll che canta ona canzon.
Milan la se vestiss de luna pièna
on ghisa in sul canton de sentinèlla
l’è on ricòrd de vita ormai passada
per mandà giò ‘l magon foo ona cantada.

Torna anmò la lus a sora ‘sta città
el sô ‘me on oeuv in ciappa
el nass dedree di cà
Milan la se desseda
ghe sòna anmò i campann
la vita ricomincia cont el frecass di tramm.

musica

L’è on sògn de gioventù quèll ch’hoo faa mì
on sògn ch’ el restarà per semper chì
Milan te séret bèlla, Milan e poeu pù
e insèma a tì sparida a l’è la mia gioventù.