di: Walter Di Gemma
 

S’te gh’hee pòca fortuna
s’te see disoccupaa
sta minga lì a lagnassela
te see s’te gh’hee de fà
fa on salt in galleria Vittòri Emanuèll
e in tèrra dent’ on stèmma
te veraret on torèll.

L’è ‘l tòr de la speranza
dai dòti eccezional
la gent in abbondanza
la voeur schisciagh i ball…

S’te schiscett i ball,
i ball del tòr te gh’hee la fortuna
S’te schiscett i ball,
i ball del tòr te passa la luna
e poeu corr in piazza a vedè ‘l Dòmm
pien de allegria
e quattes el coo perchè i pivion
gh’hann la mania.
….
e poeu corr in piazza a vedè ‘l Dòmm
pien de allegria
e quattes el coo perchè i pivioni
gh’hann la mania.

Cines e marocchin,
frances, portoricann
se fionden cont i charter
e vègnen chì a Milan
poeu quand hann faa la spòla
per tutta la città
vann sòtta in galleria
e lì se dann de fa.

El tòr in lontananza
el sent el polveron
el dis: “Anca stavòlta
me rompen i cojon”

S’te schiscett i ball,
i ball del tòr te gh’hee la fortuna
S’te schiscett i ball,
i ball del tòr te passa la luna
e poeu corr in piazza a vedè ‘l Dòmm
pien de allegria
e fà minga caso al tòr ch’ el vosa
per l’agonia.
S’te schiscett i ball,
i ball del tòr te gh’hee la fortuna
S’te schiscett i ball,
i ball del tòr te passa la luna
e poeu corr in piazza a vedè ‘l Dòmm
pien de allegria
e quattes el coo perchè i pivioni
gh’hann la mania:
e fà minga caso al tòr ch’ el vosa
per l’agonia:
e fà minga caso al tòr ch’ el vosa
per l’agonia.