di: Danese Giorgio
 

‘me l’è bèll coi amis a cantà
sòtta on ciel pien de stèll argentaa
fa nagòtt se te dann nanca on franch
l’important l’è girà per Milan.
Cantastòri on poo improvvisaa
a conoss el dialètt milanes
e parlà de ‘sta bèlla città
cominciaa da Lambraa al Ticines.

‘me l’è bèll coi amis andà in gir
e fermass in osteria
e cantà i canzonètt milanes,
ma che bèlla compagnia:
on bèll piatt de risòtt cont i rann,
on vinèll nostran
‘me l’è bèll coi amis andà in gir
per el nòst Milan.

‘me l’è bèll coi amis a parlà
di ricòrd e del temp già passaa
camminà ed on poo ciappà i tramm
e girà sù e giò per Milan.
Cantastòri on poo improvvisaa
che la gent la se ferma a guardà
a conoss el dialètt milanes
e cantà da Lambraa al Ticines.

‘me l’è bèll coi amis andà in gir
e fermass in osteria
e cantà i canzonètt milanes,
ma che bèlla compagnia:
on bèll piatt de risòtt cont i rann,
on vinèll nostran
‘me l’è bèll coi amis andà in gir
per el nòst Milan.

musica

on bèll piatt de risòtt cont i rann,
on vinèll nostran
‘me l’è bèll coi amis andà in gir
per el nòst Milan.