di: Ruggeri F. - Marino U.
 

Son minga milanes, son chì senza pretes
per cuntà sù la mia stòria in milanes:
mì son vegnuu a Milan per nò morì de famm
quand gh’era la miseria e la bollètta.
Grazie cont affètt, grande Milan
t’hee minga domandaa informazion
quand in tanti con valis de carton
sèmm rivaa chì domà con la speranza
de numm compagn d’incoeu ò coeur in man.

Poeu èmm imparaa dai buoni meneghin
a lavorà con lèna e fantasia
e i fioeu che gh’è nassuu in ‘sta città
a te ringrazzien per l’ispirazion
perchè sto anmò ben, oh ben de bon.

Ringrazzi anca tì, bèlla Madonina
che t’hee spianaa la strada con amor
cont el tò esempi de bòna educazion
t’hee fa diventà milanes anca on terron
e fà mangià cazzoeula e minestron.
Scusee per el dialètt che l’è nò tròpp perfètt,
ma ghe l’hoo missa tutta con impègn
e adèss che l’è finida ‘sta stòria d’on terron
ringrazzi tì, Milan, grazie Milan
ringrazzi tì, Milan, grazie Milan
ringrazzi tì, Milan, grazie Milan.