di: Claudio Merli
 

Gira la roeuda e la rodèlla
giren i ball come a ona giostra,
ma gira pù la manovèlla
de l’orghenin per i strad de Milan.

Taja, medega, pastrugna, rosega,
rivòlta, messeda, scorliss,
mès’cia, rigira, bordega,
livèlla, sgraffigna, seghèzza, stordiss,
mè car Milan a l’è pù ‘l temp
de quand girava l’orghenin
quand se parlava in milanes
e se pensava in meneghin.

E pensà che gh’è minga la cura
per guarì de quest’epidemia
che la dèsfa tutt quèll che ‘l va ben
e de bon la te lassa nagòtt
cont el gir che gh’hann daa a quèsta vita
sèmm domà magattèi che cammina
tucc de prèssa chissà poeu perchè
per vedè come tutt el vègn brutt.

Taja, medega, pastrugna, rosega,
rivòlta, messeda, scorliss,
mès’cia, rigira, bordega,
livèlla, sgraffigna, seghèzza, stordiss,
mè car Milan a l’è pù ‘l temp
de quand girava l’orghenin
quand se parlava in milanes
e se pensava in meneghin.

musica

Taja, medega, pastrugna, rosega,
rivòlta, messeda, scorliss,
mès’cia, rigira, bordega,
livèlla, sgraffigna, seghèzza, stordiss,
anca se adèss a gh’è on barbon
in Galleria che ‘l torna a cà
sora on carton se butta là
on’altra nòtt de fà passà.

Gira la roeuda e la rodèlla
giren i ball come a ona giostra,
ma gira pù la manovèlla
de l’orghenin per i strad de Milan.