di: Marchesi - Appiani
 

Cont i jeans e i scarp de tennis
se raduna la gioventù
senza dass l’appontament
sul sagraa hinn settaa giò
i saccòcc coi man nasconden
e la moneda fann saltà.

Fann la gara fra de lor
se raccunten i avventur
de ballon ò de motor
ò de dònn taccaa sul mur
l’è ona vita spensierada
e in discòteca vann a ballà.

Cont i lus che traballa
tekno e rap se sent sonà
tanti gamb se ved saltà
ballen tucc ‘me disperaa
quand ritornen hinn tutt gasaa
e i roeud di macchin se sent sgommà.

Mezzanòtt l’è già sonada
gh’è tutt scur, nissun rumor
da on poo la voeuna l’è passada
la nòtt l’è ciara con l’abatjour
gh’è ona mama preoccupada
del fioeu che a cà el ven nò.

I or de nòtt giren pian pian

quand l’è sabet, oh Signor,

gh’è chi prega, l’è ona mama

quasi l’alba, giamò doman…