Stampa

di: Giovanni D'Anzi
 

 

Ògni canzonètta milanesa
la de vèss crudel e sbarazzina,
quèsta che ve canti l'è carina,
offendeves minga per piasè.
Gh'è on cafè nascòst in d'ona piazza
frequentaa da tante dònne bèlle,
ma fra queste troppe gagarelle
alle cinque vann a bev el tè.

La Gagarella del Biffi Scala
quand'in quattr'or lee la bigia scoeula
la troeuva semper ona quai balla
per vèss lì pronta a bev el tè.

Gh'e pias la pizza con la scigola
la gh’ha i stivai con la tripla soeula
la gira semper cont on gandolla
vestii de magher ch'el fa pietà.

A lei piacciono le Morris e le Cammel
Oh, le Cammel ancor di più!
E l'annega i dispiaceri cont el Kummel
cont el Kummel e nulla più.

La va a la Cozzi la gagarina
trè vòlt al dì la fa la piscina
la gh'ha el ciuffètt che la par on locch
el cervellètt che l'è pròppi tocch.

musica

A lei piacciono i modelli del Ventura
per smagrirsi la mangia el Rim.
ma 'l sann tutti che si veste su misura
da la sarta che gh'è all'Upim

Ohei Gagarella del Biffi Scala
toeu sù i tò liber e torna a scoeula
Milan l'è stuffa de sopportà
le Gagarelle e i sò gagà.