di: popolare
 

I parent del mè papà, che in Brianza stann de cà
sul suffitt gh’hann di salamm
che a guardai benn, Signor te fann vegnì la famm.
Gh'è on vinèll a Barzanò che 'me l'acqua me ‘l va giò.
In di strad, a gh’è anmò i vacch,
ma nò quèi che gh’hann duu tacch.
E i frittad che fann lor, serven per ingrassà i fior.
Chicchirichì e coccodè, l’ecologia se l’è
Gh’è el macellar gh'è el cervellee
E il supermarket non c’è.
La zia Erminia col coeur content
la fa i ravioeu per on reggiment
La fa la torta coi pòmm tajaa, con genuina semplicità
A Milan i dònn se sa, fann pù la pasta in cà
ma ona sciora in gamba c'è
che l'è ancamò di temp, di vecchi temp indree.
La ricètta la m'ha daa, la farina, i oeuv e ‘l sal.
Ma ghe voeur i sò man bèi
per fa foeura i tajadèi.
E ògni tant, a mezzdì, per mangià son lì anca mì.
Bòn appettit, che bon mangià, mamma, Rachele la fa.
I sò ravioeu, ripien d'amor,
al sugo paren di fior.
Sciora Rachele, la me permètt
se un cappellino lee la se mètt
per ringraziala la invitarò al sposalizzi de Barzanò.
Chicchirichì e coccodè, l’ecologia se l’è
Gh’è el macellar gh'è el cervellee
E il supermarket non c’è.
Sciora Rachele, la me permètt
se un cappellino lee la se mètt
per ringraziala la invitarò al sposalizzi de Barzanò.