Stampa

di: Enzo Jannacci
 

 

Quèll che sont adree a cuntav, l'è 'na stòria vera,
de vun che l'è mai staa bon de dì de nò;
e s'eren conossuu visin a la Breda;
lee l'era de Rogored e lù... el so nò!
On dì lù l'aveva menada a vedè la Fera,
la gh'aveva on bèll vestidin color de traa sù;
disse: "Vorrei un krapfen... non ho moneta"
"Pronti!" El gh'ha daa des chili... e l'ha vista puu!

Andava a Rogoredo, el cercava i sò danee;
girava per Rogoredo el vosava ‘me on strascee:
"No, no, no no, non mi lasciar,
No, no, no no, non mi lasciar,
mai, mai, mai!".

Triste è un mattin d'Aprile senza l'amore!
gh'era vegnuu anca in ment de andà a 'negà
là dove el Navili l'è pussee negher,
dove i barconi pòden nò 'rivà...
E l'era bèll fermòtt de giamò on quart d'ora,
l'era passaa anca l’ora de andà a timbrà:
"...mì credi che a mazzam pòdi pensagh sora;
‘dèss voo a toeu i mè des chili... poi si vedrà!"

Andava a Rogoredo, el cercava i sò danee;
girava per Rogoredo el vosava come un strascee:
"No, no, no no, non mi lasciar,
No, no, no no, non mi lasciar,
mai, mai, mai!".
"No, no, no no, non mi lasciar,
No, no, no no, non mi lasciar,
mai, mai, mai!".