di: Aldo Aldi
 

Ciao Milan, ciao Milan el tò simbol l’è la Madonnina
ciao Milan, ciao Milan, la città pussee bèlla del mond.

El nòst’ Milan al mes d’agost l’è quasi voeui
el sô l’è fosch
vun che l’è sol se ‘l gh’ha de fà?
L’unica ròba l’è andà a passeggià.

Ferragost per i strad de Milan
l’è inscì bèll passeggià cont i amis
a gh’è in gir quatter gatt, quatter can
e, t’el giuri, l’è on ver paradis:
se te giret i strad fin a Pòrta Cines
a gh’è tanti stranier, ma gh’è nò on milanes.

Senza tramm senza tanti frecass
te see sentet de vèss on grand òmm
l’è ona giòia podè andà a spass
per i strad e anca in piazza del Dòmm.

Ciao Milan, ciao Milan el tò simbol l’è la Madonnina
ciao Milan, ciao Milan, la città pussee bèlla del mond.

Al parco gh’è el club dei anta
se giuga ai cart, se balla e se canta
a l’è on ritròv per numm anzian
el gh’ha pensaa el comun de Milan.

Ferragost per i strad de Milan
l’è inscì bèll passeggià cont i amis
a gh’è in gir quatter gatt, quatter can
e, t’el giuri, l’è on ver paradis:
se te giret i strad fin a Pòrta Cines
a gh’è tanti stranier, ma gh’è nò on milanes.

Senza tramm senza tanti frecass
te see sentet de vèss on grand òmm
l’è ona giòia podè andà a spass
per i strad e anca in piazza del Dòmm.

Ciao Milan, ciao Milan el tò simbol l’è la Madonnina
ciao Milan, ciao Milan, la città pussee bèlla del mond.