di: Giorgio Danese
 

Ve voeuri cuntà sù del mè Milan
de tutta la soa gent col coeur in man
cantà i ricòrd de quèsta mia città
svegliass ògni mattina innamoraa.
In compagnia di stèll passi la nòtt
cammini per i strad col mè fagòtt
pien de speranz, de sògn e de realtà
cercà de fermà ‘l temp che intant el va.

In alt la Madonnina che risplend
che la protegg Milan e la soa stòria
poètta, casciaball e bèlla gent
ormai sann tutt de lee quasi a memòria.

Hoo già inventaa ona barca de canzon
Milan a l’è per mì on’ispirazion
come i ringher de Pòrta Ticines
el vicol Lavandee, la mia osteria.

musica

La Darsena stasera che splendor
la par ‘na cartolina illuminada
per tutt i forestee ch’hinn lì a guardà
me son decis ghe foo ona serendada.

Hoo già inventaa ona barca de canzon
Milan a l’è per mì on’ispirazion
come i ringher de Pòrta Ticines
el vicol Lavandee, la mia osteria
el vicol Lavandee, la mia osteria.