di: Roberto Ridolfini
Mì son sicur che la toa bocca
la dis minga quèll che pensa el coeur
la toa anima la parla insèma a mì
cont i tò oeugg l’ha dii giamò de sì.
Te see tranquilla perchè mì parli nò
l’è pròppi inscì anca mì son liber nò
te se approfittet de quèsta situazion
e te me trattet pròppi ‘me on fregon.
Tì te see bèlla cont el tò faccin truccaa
laver scarlatt e i oeugg on poo sfacciaa
tì la vergògna te see nò se l’è
te penset minga el mal che te me fee.
Te diset che oramai mì t’interèssi puu,
che l’è staa pròppi on error de gioventù
e nel tò cas fòrsi mì te doo reson,
ma a la mia età l’è brutt sentiss nissun.
musica
Te see tranquilla perchè mì parli nò
l’è pròppi inscì anca mì son liber nò
te se approfittet de quèsta situazion
e te me trattet pròppi ‘me on fregon.
Tì te see bèlla cont el tò faccin truccaa
laver scarlatt e i oeugg on poo sfacciaa
tì la vergògna te see nò se l’è
te penset minga el mal che te me fee.
Te diset che oramai mì t’interèssi puu,
che l’è staa pròppi on error de gioventù
e nel tò cas fòrsi mì te doo reson,
ma a la mia età l’è brutt sentiss nissun:
e nel tò cas fòrsi mì te doo reson,
ma a la mia età l’è brutt sentiss nissun.