Stampa

di: Luigi Carcano - Claudio Merli
 

 

Dedent d'on sògn el Berto de Giussan,
con tant de spada in pugn sul ciel pontada,
ghe giura fedeltà al Pà Giovann,
el papa bergamasch, che tucc insèma,
el benediss ch'el tal Guglielmo Tell,
alpin, mondin, e tanta gent lombarda.
Foeura del sògn,
el temp indree el voeur
mes'ciass cont el progrèss
de l'epoca che cambia.

Coi sò speranz la gent in d’on canton
ghe fà i galitt ai sògn e se desseda
i tradizion antigh, e i sentiment
che vann a ravanà in de la stòria
tutt quèll che per difètt l’è staa nascòst
in del caldar de l’epoca passada.
Foeura del sògn,
coi sò color al vent
sgariss la verità
de l'epoca che cambia.

Indifferent el Pò el cala giò
per digh al mond: la Svizzera l’è bèlla!
Si ma però
l’è bella anmò de pù,
ma pròppi per debon
la nòstra Valpadana!